جميع انواع العادم ( الدخان ) الخارج من شكمان السياره ؛ وايه اسبابه وطريقه علاجه؟! 🤔:

جميع انواع العادم ( الدخان ) الخارج من شكمان السياره ؛ وايه اسبابه وطريقه علاجه؟! 🤔:

دعونا نتفق ان من الطبيعي جدا ان شكمان العربيه ما يخرجش منه اي نوع من انواع الدخان المرئي ولكن في الحقيقه فعليا هو بيخرج منه دخان ولكن دخان العادم الطبيعي اللي مالوش اي لون علشان كده في حاله خروج دخان باي لون ايا كان ده بيكون نتيجه لخلل في المحرك تعالوا مع بعض نعرف  جميع الوان العادم اللي ممكن تخرج من الشكمان وبتدل على ايه:

اول لون معانا من الوان الدخان وفي الحقيقه هو مش دخان فعلي ولكن هو مجرد بخار والبخار هنا بينقسم لقسمين الاول بخار بيظهر الصبح لما تشغل المحرك وخاصه لو الاجواء بارده او تحديدا في فصل الشتاء وبيختفي تماما بالتدريج مع زياده درجه

 حراره المحرك وده طبيعي جدا ما فيهوش اي مشكله وما تقلقش منه لان دي ظاهره التكثيف وما فيش منها اي الم النوع التاني من البخار هو بخار دائم يعني بيظهر معك اول ما تشغل المحرك وبيستمر معك طول الطريق وانت ماشي حتى بعد ما العربيه بتسخن وللاسف ده بيكون فعلا بخار ولكن نتيجه تلف في جوان السلندر او السلندر نفسه وده في حاله ان مسارات المياه فتحت على غرف الحريق والبخار ده نتيجه خروج الماء من غرف الحريق مع العادم وبيصاحب الظاهره دي نقصان ملحوظ جدا في ماء سائل التبريد في المحرك.

-تاني نوع من انواع الدخان هو دخان قريب جدا لكونه غبار او لون رمادي خفيف وبيظهر بوضوح شديد مع زياده التسارع او الضغط على البنزين 

وده بيكون بسبب تراكم الكربون على صبابات العادم او علبه البيئه وفي الحاله دي ومؤخرا مع تطور العلم والتكنولوجيا ظهرت عبوات بخاخات لتنظيف الكربون من على الصبابات وداخل علبه البيئه بدلا من فك المحرك .

ثالت نوع معنا من انواع الدخان هو دخان

دخان العادم باللون الاسود.

-رابع نوع معنا من انواع الدخان هو الدخان الابيض او الازرق الخفيف وده بيكون له حالتين الحاله الاولى ظهور بعض الدخان الابيض او الازرق الخفيف الصبح بعد ما تشغل السيارة مباشره لمده لحظات قليله وبعدها تختفي تماما وده بيكون بسبب ان جلد البلوف او الصبابات اصبحت ناشفه ومع وقوف السيارة لفتره طويله في الحاله دي بيتسرب بعض نقط الزيت وبتنزل من خلال الجلب دي على سطح راس البستم وطبعا مع بدايه تشغيل المحرك بتحترق نقاط الزيت اللي على راس البستم وبتخرج في صوره دخان ابيض او ازرق خفيف لمده لحظات قليله بعد تشغيل المحرك وبعد كده بتختفي تماما ودي مشكله بسيطه ما فيش

 اي قلق بتنتهي تماما بتغيير جلب الصبابات او البلوف اللي بالمناسبه بتتغير في 90% من السيارات بدون ما تحتاج انك تفك راس المحرك بالكامل الحاله؛ التانيه هي ظهور دخان ابيض او ازرق كثيف جدا وواضح طول الوقت بدايه من تشغيل المحرك حتى بعد ما تمشي بالعربيه فتره طويله وده بيكون بسبب تلف جدران غرف السلندر وتاكلها مع مرور الوقت او تلف وتاكل شنابر البساتم اللي نتيجتها بتكون دايما مرور جزء من زيت المحرك لداخل غرف الاحتراق وبالتالي احتراقه خروجه على شكل دخان ابيض او ازرق وده اعراضه هتكون نقص واضح في زيت المحرك وضعف في عزم وتسارع السياره وتلف البوجيهات في فتره قصيره نتيجه تراكم الزيت عليها وفي ملحوظه مهمة جدا لازم تاخد بالك منها ان ممكن نفس الاعراض دي تكون اعراض تلف بالف بخار الزيت الذي ستجدون مقالة عنه لوحده في مدونتنا, و الآن اصدقائي  لو استفدتم من المقالة ولو بمعلومه واحده خليك ايجابي وما توقفش المعلومه عندك و شارك رابط المدونة لتعم الافادة و يهمنا جدا رأيك في التعليقات و شكرا.